(١٩٤١٥) حضرت عبداللہ بن عباس (رض) فرماتے ہیں کہ رسول اللہ (صلی اللہ علیہ وآلہ وسلم) اور خالد بن ولید (رض) میمونہ (رض) کے گھر میں موجود تھے۔ ان کے پاس گوہ کا گوشت لایا گیا تو میمونہ کہنے لگی : رسول اللہ (صلی اللہ علیہ وآلہ وسلم) کو بتادو ، یہ کیا ہے۔ جب رسول اللہ (صلی اللہ علیہ وآلہ وسلم) کو گوہ کا بتایا گیا تو آپ (صلی اللہ علیہ وآلہ وسلم) نے چھوڑ دی۔ حضرت خالد (رض) نے پوچھا : اے اللہ کے رسول ! کیا یہ حرام ہے ؟ آپ (صلی اللہ علیہ وآلہ وسلم) نے فرمایا : حرام تو نہیں ، لیکن میں اس سے بچتا ہوں تو حضرت خالد (رض) نے اس کی ہڈیاں پکڑ کر چوسنا شروع کردیں۔