(١٩٦٠٢) ربیع کہتے ہیں : میں نے امام شافعی (رح) سے دم کے بارے میں پوچھا تو انھوں نے فرمایا : آدمی اللہ کی کتاب اور معروف ذکر سے دم کرے تو کوئی حرج نہیں۔ میں نے پوچھا : کیا اہل کتاب مسلمانوں کو دم کرسکتے ہیں ؟ تو فرمانے لگے : جب کتاب اللہ یا ذکر اللہ سے دم کریں تو جائز ہے۔ میں نے پوچھا : اس کی دلیل کیا ہے ؟ کہتے ہیں : اس کی کوئی دلیل نہیں، لیکن ہمارے اور تمہارے صاحب کی روایت ہے کہ عمرہ بنت عبدالرحمن فرماتی ہیں کہ حضرت ابوبکر صدیق (رض) حضرت عائشہ (رض) کے پاس آئے، وہ بیمار تھیں۔ جنہیں ایک یہودیہ عورت دم کر رہی تھی تو ابوبکر (رض) نے فرمایا : اس کو اللہ کی کتاب کے ذریعے دم کرنا۔
شیخ فرماتے ہیں : وہ احادیث جن میں یہ بیان ہے کہ نبی (صلی اللہ علیہ وآلہ وسلم) نے دم کیا اور آپ (صلی اللہ علیہ وآلہ وسلم) کو دم کیا گیا اور اس کے بارے میں کہ جو آپ نے دوائی کرنے کا حکم دیا بہت ساری احادیث ملتی ہیں۔