(١٩٦٣٠) حضرت جابر بن عبداللہ (رض) نے فتح مکہ کے دن رسول اللہ (صلی اللہ علیہ وآلہ وسلم) سے سنا کہ اللہ و رسول نے شراب، مردار، خنزیر کا گوشت اور بتوں کی بیع سے منع فرمایا۔ آپ (صلی اللہ علیہ وآلہ وسلم) سے مردار کی چربی کے بارے میں پوچھا گیا۔ جس سے کشتیاں اور چمڑوں کو تیل لگایا جاتا ہے اور لوگ دیے جلاتے ہیں : فرمایا : وہ حرام ہے۔ اس وقت رسول اللہ (صلی اللہ علیہ وآلہ وسلم) نے فرمایا کہ اللہ یہود کو ہلاک کرے، جب اللہ نے ان پر چربی کو حرام قرار دیا تو انھوں نے پگھلا کر فروخت کر کے قیمت کھانا شروع کردی۔