(١٩٦٤) سعید بن مسیب اذان کا قصہ نقل کرتے ہوئے فرماتے ہیں : ہیں کہ پہلا شخص جسے نیند میں اذان دکھائی گئی ایک انصاری تھا جو بنی حارث بن خزرج سے تھا اس کا نام عبداللہ بن زید تھا، فرماتے ہیں : میں سویا ہوا تھا اچانک مجھے ایک شخص چلتا ہوا نظر آیا، اس کے ہاتھ میں ناقوس تھا میں نے کہا : اے اللہ کے بندے ! کیا تو یہ ناقوس بیچے گا ؟ اس نے کہا : تیرا اس سے کیا کام ہے ؟ میں نے کہا : میں چاہتا ہوں کہ نماز کے اعلان کے لیے اس کو پکڑلوں۔ اس نے کہا : کیا میں آپ کو اس سے بہتر نہ بتاؤں ؟ تو کہہ :
اللَّہُ أَکْبَرُ اللَّہُ أَکْبَرُ ، أَشْہَدُ أَنْ لاَ إِلَہَ إِلاَّ اللَّہُ أَشْہَدُ أَنْ لاَ إِلَہَ إِلاَّ اللَّہُ ، أَشْہَدُ أَنَّ مُحَمَّدًا رَسُولُ اللَّہِ أَشْہَدُ أَنَّ مُحَمَّدًا رَسُولُ اللَّہِ ، حَیَّ عَلَی الصَّلاَۃِ حَیَّ عَلَی الصَّلاَۃِ ، حَیَّ عَلَی الْفَلاَحِ حَیَّ عَلَی الْفَلاَحِ ، اللَّہُ أَکْبَرُ اللَّہُ أَکْبَرُ ، لاَ إِلَہَ إِلاَّ اللَّہُ پھر کہے اللَّہُ أَکْبَرُ اللَّہُ أَکْبَرُ ، أَشْہَدُ أَنْ لاَ إِلَہَ إِلاَّ اللَّہُ ، أَشْہَدُ أَنَّ مُحَمَّدًا رَسُولُ اللَّہِ ، حَیَّ عَلَی الصَّلاَۃِ ، حَیَّ عَلَی الْفَلاَحِ ، قَدْ قَامَتِ الصَّلاَۃُ ، اللَّہُ أَکْبَرُ اللَّہُ أَکْبَرُ ، لاَ إِلَہَ إِلاَّ اللَّہُ ابن مسیب کہتے ہیں کہ عبداللہ بن زید بیدار ہوئے، انھوں نے اپنے کپڑے اکٹھے کیے اور رسول اللہ (صلی اللہ علیہ وآلہ وسلم) کے پاس آگئے، انھیں خواب میں اذان دکھائی گئی تھی۔ فرماتے ہیں : عمر بن خطاب (رض) کو بھی اس کی طرح دکھائی گئی، وہ آئے اور رسول اللہ (صلی اللہ علیہ وآلہ وسلم) کو اس کی خبر دی جو ان کو دکھایا گیا تھا، ان دونوں میں پہلاعبداللہ بن زید انصاری تا جو خواب بیان کرنے میں رسول اللہ (صلی اللہ علیہ وآلہ وسلم) کی طرف سبقت لے گیا، اس نے رسول اللہ کو پایا، آپ (صلی اللہ علیہ وآلہ وسلم) نے بلال (رض) کو اذان کا حکم دیا، اس نے پہلے اذان دی، پھر اقامت کہی۔