(١٩٦٧٧) عبداللہ بن عمر (رض) فرماتے ہیں کہ انھوں نے رسول اللہ (صلی اللہ علیہ وآلہ وسلم) سے سنا۔ آپ (صلی اللہ علیہ وآلہ وسلم) فرما رہے تھے : جب اللہ نے آدم (علیہ السلام) کو زمین پر اتارا تو فرشتے کہنے لگے : { اَتَجْعَلُ فِیْھَا مَنْ یُّفْسِدُ فِیْھَا وَ یَسْفِکُ الدِّمَآئَ وَنَحْنُ نُسَبِّحُ بِحَمْدِکَ وَ نُقَدِّسُ لَکَ قَالَ اِنِّیْٓ اَعْلَمُ مَالَا تَعْلَمُوْنَ ۔ } [البقرۃ ٣٠] ” اے اللہ ! کیا تو اس کو بھیجے گا جو فساد کرے اور خون بہاے زمین میں اور ہم تیری حمد و تقدیس بیان کرتے ہیں۔ اللہ تعالیٰ فرماتے ہیں : میں وہ جانتا ہوں جو تم نہیں جانتے۔ “ اے ہمارے رب ! ہم بنو آدم سے زیادہ فرمان بردار ہیں تو اللہ نے فرمایا : دو فرشتے آؤ۔ ہم انھیں زمین پر اتارتے ہیں۔ ہم دیکھتے ہیں، وہ کیسے عمل کرتے ہیں۔ انھوں نے کہا : یہ ہاروت اور ماروت ہیں۔ وہ دونوں زمین پر اتار دیے گئے تو ایک خوبصورت عورت ان کے سامنے ظاہر ہوئی تو ان دونوں نے اس کے نفس کے بارے میں سوال شروع کر دییوہ کہنے لگی : نہیں جتنی دیر تم یہ شرکیہ بات نہ کہو گے۔ وہ کہنے لگے : ہم اللہ کی قسم ! ہرگز شرک نہ کریں گے۔ پر وہ ان دونوں کے پاس سے چلی گئی اور پھر ایک بچہ اٹھا کر واپس پلٹی۔ پھر ان دونوں نے اس کے نفس کے بارے میں سوال کیا تو وہ کہنے لگی : اللہ کی قسم ! یہ نہ ہوگا جب تک تم دونوں اس بچے کو قتل نہ کر دو ۔ وہ کہنے لگے : اللہ کی قسم ! ہم اسے ہرگز قتل نہ کریں گے۔ پھر وہ عورت ایک شراب کا پیالہ لے کر آئی۔ پھر ان دونوں نے اس کے نفس کا مطالبہ کیا، وہ کہنے لگی : اللہ کی قسم ! پہلے شراب پیو۔ ان دونوں نے شراب کو پی لیا اور نشے میں دھت ہوگئے تو عورت سے بدکاری اور بچے کا قتل دونوں جرم کرلیے۔ جب دونوں نشے سے فارغ ہوئے تو عورت کہنے لگی : تم نے نشے کی حالت میں وہ جرم کرلیا، جس سے میں نے انکار کردیا تھا تو اس وقت ان کو دنیا اور آخرت کے عذاب کے بارے میں اختیار دیا گیا تو انھوں نے دنیا کے عذاب کو اختیار کرلیا۔
(ب) ابن عمر (رض) حضرت کعب سے نقل فرماتے ہیں کہ فرشتوں نے بنو آدم کے اعمال کا تذکرہ کیا۔ پھر اس کے مثل بیان کیا۔