(١٩٦٩٦) کثیر بن جمعان فرماتے ہیں کہ میں نے ابو عبدالرحمن، یعنی ابن عمر (رض) سے کہا یا میرے علاوہ کسی اور نے کہا میرا گزر ایک مردہ مرغی کے پاس سے ہوا۔ میں نے اس کو روندا تو انڈہ باہر آگیا، کیا یہ انڈہ میں کھا لوں، فرمایا : نہیں۔ پھر پوچھا : اے ابوعبدالرحمن ! اگر میں مردہ مرغی کے پاس سے گزروں اور اس پر وزن ڈالوں اور اس سے انڈہ نکل آئے اور وہ انڈہ اس سے چوزہ نکل آئے تو پھر اس کو کھا لوں۔ فرمایا : تو کن میں سے ہے۔ میں نے کہا : اہل عراق سے ہوں۔