(١٩٧٢) (الف) سیدنا ابو محذورہ (رض) سے روایت ہے اور اس حدیث کے آخر میں ہے کہ جب تو اقامت کہے تو دو مرتبہ کہہ : قَدْ قَامَتِ الصَّلاَۃُ قَدْ قَامَتِ الصَّلاَۃُ کیا تو نے سن لیا ؟۔
اور اس نے یہ الفاظ زیادہ بیان کیے : ابو محذورہ (رض) اپنی پیشانی کے بال نہیں کاٹتے تھے اور نہ ہی مانگ نکالتے تھے اس لیے کہ رسول اللہ (صلی اللہ علیہ وآلہ وسلم) نے ان پر ہاتھ پھیرا تھا۔
(ب) محمد بن اسحاق بن خزیمہ کہتے ہیں : اذان میں ترجیح اقامت کے دو مرتبہ کے ساتھ جنس اختلاف ہے، مؤذن کا اذان ترجیح سے کہنا اور اقامت دو مرتبہ کہنا مباح ہے۔ اس طرح اذان کے کلمات دو دو بار کہنا اور اقامت مفرد کہنا بھی مباح ہے۔ یہ دونوں طریقے نبی (صلی اللہ علیہ وآلہ وسلم) سے ثابت ہیں۔ اذان اور اقامت کے کلمات دو دو بار کہنا نبی (صلی اللہ علیہ وآلہ وسلم) سے ثابت نہیں ہے۔ (جس طرح آج کل مروجہ طریقہ ہے)
(ج) اللَّہُ أَکْبَرُ اور قَدْ قَامَتِ الصَّلاَۃُ کے سوا باقی کلماتِ اقامت دوبارہ کہنا محل نظر ہے۔ روایات میں اختلاف سے اس بات کی طرف اشارہ ہے کہ آپ کا حکم دو بار کا صرفقَدْ قَامَتِ الصَّلاَۃُ کے لیے ہے۔ سیدنا ابو محذورہ (رض) اور ان کی اولاد کا اذان میں ترجیع اور اقامت کے مفرد کہنے پر ہمیشگی کرنا ان روایات کے ضعیف ہونے کے وجوب پر دلیل ہے۔ جس نے انھیں دو دو بارنقل کیا۔ یہ معاملہ اس بات کا متقاضی ہے کہ سیدنا ابو محذورہ اور ان کی اولاد، سعد قرظ اور ان کی اولاد جب تک زندہ رہی حرم میں اذان کہتی رہی اور اس کے بعد تغیر مصریوں کے دور حکومت میں واقع ہوا۔