(٢٠١٤٢) سعید بن مسیب حضرت ابوہریرہ (رض) سے نقل فرماتے ہیں، وہ نبی (صلی اللہ علیہ وآلہ وسلم) تک اس کو پہنچاتے ہیں کہ آپ (صلی اللہ علیہ وآلہ وسلم) نے فرمایا : جمعہ کے دن مسجدوں کے دروازوں پر ملائکہ موجود ہوتے ہیں جو پہلے آنے والوں کے نام لکھتے ہیں، پہلے آنے والا نماز کی طرف ایسے ہے جیسے اونٹ کی قربانی کرنے والا ۔ اس کے بعد آنے والے کو گائے کی قربانی کا ثواب ملتا ہے۔ پھر مینڈھے، مرغی اور انڈے کا ثواب ملتا ہے۔ جب امام بیٹھ جاتا ہے تو وہ خطبہ جمعہ کے لیے اکٹھے ہوجاتے ہیں۔
(ب) ابوہریرہ (رض) کی روایت میں ہے کہ پھر مرغی اس کے بعد انڈے کی قربانی کا ثواب ہے۔
(ج) قربانی ٨ آٹھ جانوروں میں سے ہے۔