(٢٠١٦٠) ابو سعیدخدری یا ابوہریرہ (رض) نقل فرماتے ہیں کہ رسول اللہ (صلی اللہ علیہ وآلہ وسلم) نے فرمایا : سات آدمیوں کو اللہ اپنا سایہ نصیب فرمائے گا جب کوئی دوسرا سایہ نہ ہوگا : 1 انصاف کرنے والا حکمران۔ 2 نوجوان جو جوانی میں اللہ کی عبادت کرے 3 وہ بندہ جس کا دل مسجد سے معلق رہتا ہے، یہاں تک کہ وہ مسجد میں واپس لوٹے۔ 4 دو آدمی اللہ کے لیے محبت کرنے والے اور اسی کے لیے نفرت کرنے والے۔ 5 ۔ تنہائی میں اللہ کا ذکر کر کے رونے والا۔ 6 وہ آدمی جس کو خوبصورت عورت برائی کی دعوت دے تو وہ کہہ دے : میں اللہ سے ڈرتا ہوں۔ 7 پوشید صدقہ کرنے والا، یعنی دائیں ہاتھ سے صدقہ کرے تو بائیں کو پتہ بھی نہ چلے۔