(٢٠٢٩٣) ابن نافع حضرت ابن مطر سے نقل فرماتے ہیں کہ میں مسجد سے نکلا تو پیچھے سے مجھے ایک آدمی نے آواز دی۔ اپنی چادر کو اوپر اٹھاؤ۔ یہ کپڑے کی صفائی کے لیے بھی بہتر ہے اور آپ کے لیے مناسب بھی ہے اور اپنے سر کے بالوں کو بھی کاٹو اگر مسلمان ہو۔ میں ان کے پیچھے چلا۔ میں نے کہا : یہ کون ہیں ؟ تو ایک آدمی نے جواب دیا : یہ امیرالمومنین حضرت علی (رض) تھے۔ راوی فرماتے ہیں کہ پھر وہ فرات کے گھر ائے، وہ کرابیس کا بازار ہے۔ اس نے کہا : اے شیخ ! تین درہم کے عوض قمیص فروخت کرو۔ جب اس نے پہچان لیا تو اس سے بیچا کچھ نہیں۔ جب دوسرے کے پاس آئے اس نے بھی پہچان کے بعد کچھ نہ بیچا۔ پھر ایک نوجوان غلام کے پاس اس نے تین درہم کے عوض قمیص بیچ دی۔ اس نے کلائی سے لے کر ٹخنوں تک پہن لی۔ غلام کا باپ کپڑے والے کے پاس آیا۔ کہا گیا : اے فلاں ! تیرے بیٹے نے آج امیرالمومنین کو تین درہم کے عوض قمیص بیچی ہے۔ راوی کہتے ہیں : غلام کے باپ نے کہا : آپ نے دو درہم کیوں نہ لیے ؟ تو غلام کے باپ نے ایک درہم لیا اور امیرالمومنین کے پاس لے کر آئے اور کہنے لگا : امیرالمومنین ! اپنا درہم لے لو۔ حضرت علی (رض) نے پوچھا : یہ درہم کیا ہے ؟ وہ کہنے لگا کہ قمیص کی قیمت دو درہم تھی۔ کہنے لگے : میں نے اپنی رضا مندی سے خریدی۔ اس نے رضا مندی سے مجھ سے درہم وصول کیے۔