(٢٠٣٥٧) حضرت ابوالعالیہ سیدنا حضرت علی (رض) سے نقل فرماتے ہیں کہ انھوں نے فرمایا : قاضی کی تین قسمیں ہیں، دو قسم کے جہنم میں اور ایک قاضی جنت میں جائے گا 1 جان بوجھ کر حق سے اعراض کرنے والا اور 2 اجتہاد میں غلطی کرنے والا یہ دونوں جہنمی 3 حق میں اجتہاد کی سعی کرنے والا جنتی ہے۔ راوی فرماتے ہیں کہ میں نے ابوالعالیہ سے کہا : اس کا کیا قصور جو حق کے لیے کوشش کرتا ہے لیکن غلطی کرجاتا ہے ؟ فرمایا : اگر وہ چاہے تو فیصلہ کے لیے نہ بیٹھے ، کیونکہ وہ اچھا فیصلہ نہیں کر پاتا۔
شیخ فرماتے ہیں : ابوالعالیہ کی دلیل کا تقاضا ہے کہ جو اہل اجتہاد میں سے نہیں لیکن پھر بھی اجتہاد کی کوشش کرتا ہے، لیکن وہ جو اہل اجتہاد میں سے ہو پھر غلطی کر گیا اس کو معافی مل جائے گی، نبی (صلی اللہ علیہ وآلہ وسلم) کے حکم کے ذریعے جیسے عمرو بن عاص اور ابوہریرہ (رض) کی احادیث میں منقول ہے۔