(٢٠٣٨٠) عبدالرحمن بن ابی بکرہ اپنے والد سے نقل فرماتے ہیں کہ رسول اللہ (صلی اللہ علیہ وآلہ وسلم) نے فرمایا : کیا میں تمہیں اکبر الکبائر کی خبر نہ دوں ؟ تین بار فرمایا : انھوں نے کہا : کیوں نہیں، اے اللہ کے رسول ! فرمایا : 1 اللہ کے ساتھ شرک کرنا 2 والدین کی نافرمانی۔ راوی فرماتے ہیں کہ آپ تکیہ لگائے بیٹھے تھے۔ آپ نے فرمایا : خبردار ! جھوٹی گواہی۔ آپ بار بار اس کو دہراتے رہے، ہم نے کہا : شاید کے آپ (صلی اللہ علیہ وآلہ وسلم) خاموش ہوجائیں۔
(ب) بشر کی حدیث الفاظ ہیں کہ ہم نبی (صلی اللہ علیہ وآلہ وسلم) کے پاس بیٹھے ہوئے تھے۔ آپ نے فرمایا : کیا میں تمہیں خبر نہ دوں اور فرمایا : جھوٹی گواہی تین بار فرمایا۔