(٢٠٤٨٧) سیدنا علی (رض) فرماتے ہیں کہ رسول اللہ (صلی اللہ علیہ وآلہ وسلم) نے مجھے یمن قاضی بنا کر روانہ کیا۔ میں نے کہا : اے اللہ کے رسول ! میں نئی عمر والا ہوں۔ قضاۃ کا بھی علم نہیں۔ آپ (صلی اللہ علیہ وآلہ وسلم) نے فرمایا : عنقریب اللہ تیرے دل کی رہنمائی فرمائے گا ۔ تیری زبان کو ثابت رکھے گا۔ جب فیصلہ کے لیے بیٹھو تو دونوں کی بات سن لینے کے بعد فیصلہ فرمانا۔ یہ بات زیادہ مناسب ہے کہ آپ کے لیے فیصلہ واضح ہوجائے۔ میں اس طرح ہمیشہ فیصلہ کرتا رہا یا مجھے فیصلے میں شک نہ ہوا۔