(٢٠٥٢٣) سعید بن مسیب فرماتے ہیں کہ حضرت معاویہ نے ابو موسیٰ (رض) کو خط لکھا کہ حضرت علی (رض) سے ایک آدمی کے بارے میں پوچھیں جو اپنے گھر میں داخل ہوتا ہے اس کی عورت کے ساتھ دوسرا آدمی ہے، وہ اس عورت کو یا مرد کو قتل کرے۔ ابو موسیٰ نے سوال کیا تو حضرت علی (رض) نے جواب دیا، آپ کو کچھ یاد ہے، یہ تو بڑی چیز ہے، ہمارے علاقہ میں نہیں کہ میں آپ کے اوپر قصد کروں۔ ابوموسیٰ کہتے ہیں کہ معاویہ نے خط لکھا کہ میں اس کے بارے میں آپ سے پوچھ لوں۔ اگر وہ چار گواہ لائے تو درست وگرنہ اپنے ارادہ کو ترک کر دے۔ یحییٰ بن سعید کہتے ہیں : قتل کیا جائے گا۔
امام شافعی (رح) فرماتے ہیں : زنا کے تین گواہ حضرت عمر (رض) کے پاس موجود تھے چوتھا میسر نہ تھا تو انھوں نے صرف کوڑے لگائے۔