(٢٠٥٤٥) سفیان بن عیینہ فرماتے ہیں کہ میں نے زہری سے سنا، وہ فرماتے ہیں کہ اہل عراق کا خیال ہے کہ جس کو حد لگائی گئی ہو اس کی گواہی جائز نہیں ہے، میں اس بات کی خبر دیتا ہوں کہ عمر بن خطاب (رض) نے ابوبکرہ سے کہا : توبہ کرو آپ کی شہادت قبول کی جائے گی یا اگر تو نے توبہ کرلی تو تیری گواہی قبول کی جائے گی۔
(ب) حفاظ حضرت سعید سے بغیر شک کے نقل فرماتے اس میں اضافہ کہ حضرت عمر بن خطاب (رض) نے تین سے توبہ کا مطالبہ کیا، دو نے توبہ کرلی تو ان کی شہادت قبول کی گئی اور ابوبکرہ نے انکار کردیا تو ان کی گواہی رد کردی گئی۔