(٢٠٧٣٨) سلیمان بن یسار فرماتے ہیں کہ بنو سعد کے ایک آدمی نے گھوڑا دوڑایا۔ اس نے جہینہ کے ایک آدمی کی انگلی روند دی۔ اس کی وجہ سے اس کی موت واقع ہوگئی تو حضرت عمر (رض) نے کہا کہ تم قسم دو کہ وہ اس کی وجہ سے ہلاک نہیں ہوا ؟ انھوں نے انکار کردیا اور قسم دینے میں حرج محسوس کیا۔ انھوں نے دوسروں سے کہا تو انھوں نے بھی قسم کے اندر حرج محسوس کیا۔
(ب) امام شافعی (رح) نے فرمایا : رسول اللہ (صلی اللہ علیہ وآلہ وسلم) نے انصاری پر قسم ڈال دی کیونکہ وہ اس کے مستحق تھے۔ جب انھوں نے قسم قبول نہ کی تو تب نبی (صلی اللہ علیہ وآلہ وسلم) نے یہود کی طرف قسم کو لوٹادیا۔ حضرت عمر (رض) نے بنو لیث پر قسم ڈال دی، پھر ان کے انکار پر جہینیوں سے قسم لی۔ یہی ہمارے مفتیانِ کرام کا طریقہ ہے۔