(٢٠٧٤٣) علقمہ حضرت عبداللہ سے نقل فرماتے ہیں کہ جب یہ آیت نازل ہوئی : { الَّذِینَ آمَنُوا وَلَمْ یَلْبِسُوا إِیمَانَہُمْ بِظُلْمٍ } [الانعام ٨٢] ” وہ لوگ جو ایمان لائے اور انھوں نے اپنے ایمانوں کے ساتھ ظلم کو شامل نہیں کیا “ تو نبی (صلی اللہ علیہ وآلہ وسلم) کے صحابہ پر یہ معاملہ شاق گزرا۔ وہ کہنے لگے : ہم میں سے کون ہے جو ظلم نہیں کرتا تو یہ آیت نازل ہوئی : { لَا تُشْرِکْ بِاللّٰہِ اِنَّ الشِّرْکَ لَظُلْمٌ عَظِیْمٌ} [لقمان ١٣] نبی (صلی اللہ علیہ وآلہ وسلم) نے فرمایا تھا جیسے تمہارا گمان ہے ویسے نہیں۔