(٢٠٧٦٧) حارث بن سوید فرماتے ہیں کہ ہم عبداللہ بن مسعود (رض) کے پاس آئے، انھوں نے ہمیں دو احادیث بیان کیں : ایک نبی (صلی اللہ علیہ وآلہ وسلم) سے مرفوع بیان کی اور دوسری اپنی جانب سے۔ فرماتے ہیں کہ رسول اللہ (صلی اللہ علیہ وآلہ وسلم) نے فرمایا : اللہ اپنے بندہ کی توبہ سے اس آدمی سے بڑھ کر خوش ہوتا ہے، جو جنگلی سفر میں ہلاکت کی جگہ پر تھا۔ اس کی سواری پر کھانا، پینا موجود تھا۔ وہ قیام کی غرض سے اترا آرام کرنے کے بعد بیدار ہوا تو سواری غائب تھی۔ تلاش کرنے پر اس کو پا نہ سکا۔ اس کو پیاس نے تنگ کیا۔ اس نے کہا : میں اپنی سواروں والی جگہ واپس پلٹ جاؤں گا یہاں تک کہ موت آجائے۔ وہ اس جگہ پر آ کر سوگیا۔ جب بیدار ہوا اس کی سواری موجود تھی اس کا کھانا، پینا بھی تھا۔ پھر عبداللہ فرماتے ہیں کہ مومن بندہ جب گناہ دیکھتا ہے تو وہ اپنے آپ کو پہاڑ کے نیچے تصور کرتا ہے کہ کہیں اس کے اوپر نہ گرجائے اور گناہ گار اپنے گناہ کو اس طرح خیال کرتا ہے جیسے اس کے ناک پر مکھی ہو وہ اپنے ناک پر ہاتھ پھیر دیتا ہے۔
شیخ فرماتے ہیں : فرح کی نسبت اللہ کی جانب ہے۔ اس سے مراد اللہ کی رضا و قبولیت ہے جیسے { کُلُّ حِزْبٍ بِّمَا لَدَیْہِمْ فَرِحُوْنَ } [المومنون ٥٣] ” ہر گروہ جو اس کے پاس ہے اس پر راضی ہے۔ “ جو دارلسلام کو چھوڑ کر چلا جاتا ہے اور گناہوں میں مصروف ہوجاتا ہے۔ اللہ کی مشیت پر ہے کہ معاف کرے یا سزا دے۔ “