(٢٠٩٠١) ابوسلمہ حضرت ابوہریرہ (رض) سے نقل فرماتے ہیں کہ رسول اللہ (صلی اللہ علیہ وآلہ وسلم) نے فرمایا : یہود اکہتر (٧١) فرقوں میں بٹ گئے اور عیسائی اکہتر یا بہتر فرقوں میں تقسیم ہوئے اور میری امت تہتر فرقوں میں بٹ جائے گی۔
ابوسلیمان خطابی فرماتے ہیں کہ آپ (صلی اللہ علیہ وآلہ وسلم) کا یہ قول کہ میری امت تہتر فرقوں میں بٹ جائے گیمراد یہ ہے کہ یہ تمام فرقے دین سے خارج نہ ہوں گے بلکہ وہ آپ (صلی اللہ علیہ وآلہ وسلم) کی امت میں شمار کیے جائیں گے۔
شیخ فرماتے ہیں : جس نے کسی مسلمان کو مطلق طور پر کافر کہا تو اس کے کافر کہنے کی وجہ سے وہ دین سے نہ نکل جائے گا جیسا کہ حضرت جابر بن عبداللہ (رض) کی حدیث میں ہے کہ معاذ بن جبل (رض) کے پیچھے سے آدمی نماز سے نکل گیا تو انھوں نے اس کو منافق کہہ دیا، جب نبی (صلی اللہ علیہ وآلہ وسلم) کو پتہ چلا تو آپ (صلی اللہ علیہ وآلہ وسلم) نے حضرت معاذ (رض) کو نماز کی تخفیف کا حکم دیا اور فرمایا : اے معاذ (رض) ! کیا آپ فتنہ ڈالنے والے ہیں، یعنی زیادہ لمبی نماز نہ پڑھا کرو۔
حاتم بن ابی بلتعہ نے جب قریشیوں کو نبی (صلی اللہ علیہ وآلہ وسلم) کے حملہ کی خبر دینے کی کوشش کی تو حضرت عمر (رض) کہنے لگے : اے اللہ کے رسول (صلی اللہ علیہ وآلہ وسلم) ! اگر اجازت ہو تو میں اس منافق کی گردن اتاردوں، آپ (صلی اللہ علیہ وآلہ وسلم) نے فرمایا کہ یہ بدر میں شریک ہوا تھا، نبی (صلی اللہ علیہ وآلہ وسلم) نے حضرت عمر (رض) کے اس کو منافق کہنے پر تکفیر نہیں فرمائی کیونکہ یہ نفاق پر ایک ظاہری علامت تھی اور کافر وہ ہوتا ہے جس نے کسی مسلمان کی بغیر تاویل کیتکفیر کردی۔