(٢٠٩٠٤) امام شافعی (رح) فرماتے ہیں : جو کسی آدمی کے خلاف جھوٹی گواہی کو جائز سمجھے یا کسی کے خون بہانے کو یا مال ہڑپ کرنے کو جائز خیال کرتا ہے تو اس کی گواہی کو رد کردیا جائے گا اور ایسا آدمی جو کسی کے حق میں قسم اٹھا کر گواہی دیتا ہے حالانکہ وہ اس موقع پر موجود بھی نہ تھا اور نہ ہی اس کے بارے میں اس نے سن رکھا تھا تو اس کی گواہی کو بھی رد کردیا جائے گا یا وہ آدمی دشمنی کی بناپر کسی کے خلاف گواہی دیتا ہے تو اس کی گواہی کو بھی رد کردیا جائے گا۔