(٢٠٩١٦) یزید بن عمیرہ جو حضرت معاذ کے شاگرد ہیں ، فرماتے ہیں کہ حضرت معاذ جب بھی ذکر کی مجلس میں بیٹھتیتو فرماتے : اللہ عادل حاکم ہے اور ابویمان کہتے ہیں : قسط یہ اللہ کا نام ہے، شک کرنے والے ہلاک ہوگئے۔ حضرت معاذ بن جبل مجلس میں ایک دن فرمانے لگے : جو تمہارے بعد ہیں ان میں مال کا فتنہ ہوگا اور قرآن کو پڑھا جائے گا۔ اس کو مومن اور منافق لے لیں گے، آزاد، غلام، مرد، عورت، بڑا، چھوٹا، سب اپنا حصہ وصول کریں گے۔ کہنے والا کہے گا : میں قرآن پڑھتا ہوں لوگ میری پیروی نہیں کرتے۔ اللہ کی قسم ! وہ میری پیروی نہ کریں گے جب تک میں ان کے لیے کوئی دوسری بات نہ کروں۔ نئی بات سے بچو کیونکہ یہ گمراہی ہوتی ہے اور حکیم آدمی کی گمراہی سے بچو؛ کیونکہ کبھی کبھی شیطان بھی حکیم آدمی کے منہ سے گمراہی والی بات کہلوا دیتا ہے اور کبھی منافق بھی سچی بات کہہ دیتا ہے۔ راوی کہتے ہیں : میں نے ان سے کہا : اللہ آپ پر رحم فرمائے۔ کیا حکیم گمراہی والی بات اور منافق سچی بات کہہ دیتا ہے ؟ کہتے ہیں : جب حکیم آدمی مشتبہ کلام کرے تو اس کو چھوڑ دوجب تک وہ وضاحت نہ کرے۔ ممکن ہے وہ اپنی بات سے رجوع کرے اور حق بات کہہ دے اور حق تو نور ہوتا ہے اور قاضی کی روایت میں ہے کہ وہ آپ کی تعریف نہ کرے۔ معاذ بن جبل (رض) نے بتایا : حکیم آدمی سے اس کی کسی غلط بات کی وجہ سے اعراض کرنا واجب نہیں ہے، لیکن اس کا نور سے خالی قول چھوڑ دیا جائے۔ یعنی یہ دلالت کتاب ، سنت ، اجماع یا قیاس سے ہوتی ہے۔