(٢٠٩٤٧) عبداللہ بن شداد فرماتے ہیں کہ ابن عباس فرماتے ہیں : اصل شراب تھوڑی ہو یا زیادہ حرام ہے اور نشہ ہر شراب سے ہوتا ہے اس سے اور اس جیسی چیزوں کی وجہ سے اس شخص کو شبہ ہوا جس نے تھوڑی شراب کو جائز قرار دیا ہے۔ ہم تو اس کا تھوڑا بھی حرام خیال کرتے ہیں جس کا زیادہ نشہ دے۔
(ب) سعد بن ابی وقاص (رض) اور ابن عمر (رض) دونوں نبی (صلی اللہ علیہ وآلہ وسلم) سے نقل فرماتے ہیں کہ آپ (صلی اللہ علیہ وآلہ وسلم) نے تم کو اس سے منع کردیاجس کی زیادہ مقدار نشہ دے۔ جس کی زیادہ مقدار نشہ دے اس کی تھوڑی مقدار بھی حرام ہے اور فرمایا : ہر نشہ آور چیز شراب ہے اور ہر نشہ آور حرام ہے۔ ابن عباس (رض) کی حدیث میں ہے کہ ہر نشہ آور چیز شراب ہے۔