(٢١٠٤) ابو عطیہ وداعی سے روایت ہے کہ میں مسروق کے ہمراہ ام المومنین حضرت عائشہ (رض) کی خدمت میں حاضر ہوا۔ مسروق نے ام المومنین سے عرض کیا کہ نبی (صلی اللہ علیہ وآلہ وسلم) کے صحابہ میں سے دو آدمی ایسے ہیں جنہوں نے خیر (حاصل کرنے میں) میں کوئی کسر باقی نہیں رکھی۔ ان میں سے ایک مغرب جلدی ادا کرتا تھا اور افطار بھی جلدی کرتا تھا اور دوسرا مغرب کو بھی تاخیر سے ادا کرتا تھا اور افطار بھی دیر کرتا تھا۔ سیدہ عائشہ (رض) فرمانے لگیں : ان میں سے مغرب جلدی ادا کرنے والا اور افطار میں جلدی کرنے والا کون تھا ؟ انھوں نے عرض کیا : حضرت عبداللہ ابن مسعود (رض) ۔ عائشہ (رض) نے فرمایا : اسی طرح رسول اللہ (صلی اللہ علیہ وآلہ وسلم) کیا کرتے تھے۔