(٢١١٠) (ا) حضرت ابو بصرہ غفاری سے روایت ہے کہ ہمیں مخمص مقام پر نبی (صلی اللہ علیہ وآلہ وسلم) نے عصر کی نماز پڑھائی۔ آپ (صلی اللہ علیہ وآلہ وسلم) نے فرمایا : یہ نماز (عصر) تم سے پہلے والی امتوں پر بھی پیش کی گئی تھی لیکن انھوں نے اس کو ضائع کردیا۔ لہٰذا جس نے اس پر محافظت کی اس کو دوہرا اجر دیا جائے گا اور اس کے بعد شاہد ستارہ طلوع ہونے تک کوئی نماز نہیں۔
(ب) ابن بکیر کہتے ہیں : میں نے لیث سے شاہد کے بارے میں پوچھا تو انھوں نے فرمایا : وہ ایک ستارہ ہے۔
(ج) اس حدیث کی وجہ سے صحیح اور مشہور احادیث کو چھوڑنا جائز نہیں۔ اس سے مغرب کے وقت کا بیان مقصود نہیں ہے، بلکہ یہاں عصر کے بعد نوافل کی نفی مراد ہے۔