(٢١١٣) محمد بن عمرو سے روایت ہے کہ ہم نے حضرت جابر (رض) سے رسول اللہ (صلی اللہ علیہ وآلہ وسلم) کی نماز کے وقت کے بارے پوچھا تو انھوں نے فرمایا کہ آپ (صلی اللہ علیہ وآلہ وسلم) ظہر کی نماز دوپہر کو ادا کرتے تھے اور عصر جب سورج ابھی روشن ہوتا اور مغرب جب سورج غروب ہوجاتا اور عشا کی نماز جب لوگ زیادہ ہوجاتے تو جلدی پڑھا دیتے اور جب لوگ کم ہوتے تو تاخیر سے پڑھتے اور صبح کی نماز اندھیرے میں ادا فرماتے تھے۔