(٢١١٣٤) عبدالرحمن بن ابی بکرہ اپنے والد سے نقل فرماتے ہیں کہ ایک آدمی کا تذکرہ نبی (صلی اللہ علیہ وآلہ وسلم) کے پاس ہوا تو ایک آدمی نے اس کی اچھی تعریف کی۔ آپ (صلی اللہ علیہ وآلہ وسلم) نے فرمایا : تو نے اپنے بھائی کی گردن کاٹ دی۔ آپ (صلی اللہ علیہ وآلہ وسلم) بار بار فرما رہے تھے، اگر ضروری تعریف کرنی ہے تو یہ کہہ دے : فلاں کے بارے میں میرا یہ خیال ہے۔ اگر وہ ویسا ہی ہے جیسا اس نے گمان کیا ہے تو اس کا حساب اللہ کے ذمہ ہے، وہ کسی کا اللہ کے ہاں تزکیہ نہ کرے۔