(٢١١٥٠) حضرت عائشہ (رض) فرماتی ہیں : ایک آدمی نے نبی کریم (صلی اللہ علیہ وآلہ وسلم) سے اجازت طلب کی۔ آپ (صلی اللہ علیہ وآلہ وسلم) نے فرمایا : اجازت دے دو لیکن یہ قبیلہ کا بدترین آدمی ہے۔ جب وہ آیا تو آپ (صلی اللہ علیہ وآلہ وسلم) نے نرم کلام کی۔ حضرت عائشہ (رض) فرمانے لگیں : اے اللہ کے نبی (صلی اللہ علیہ وآلہ وسلم) ! آپ نے اس کے بارے میں یوں کلام کی اور پھر اس سے نرم کلام کی۔ آپ (صلی اللہ علیہ وآلہ وسلم) نے فرمایا : اے عائشہ (رض) ! قیامت کے دن لوگوں میں سے برے مرتبہ والا وہ شخص ہوگا جس کو اس کی فحش گوئی کی وجہ سے چھوڑ دیا جائے گا۔