(٢١١٧) حضرت عائشہ (رض) سے روایت ہے کہ ایک رات رسول اللہ (صلی اللہ علیہ وآلہ وسلم) نے عشا کی نماز میں تاخیر کی حتیٰ کہ رات کا ابتدائی حصہ گزر گیا اور مسجد والے بھی سو گئے۔ پھر رسول اللہ (صلی اللہ علیہ وآلہ وسلم) ان کی طرف تشریف لے گئے اور نماز پڑھائی، پھر فرمایا : یہ اس نماز کا افضل وقت ہے ، اگر یہ میری امت پر گراں نہ ہو۔ ” یہ عبدالرزاق کی حدیث کے الفاظ ہیں اور حجاج کی حدیث میں جو ام المومنین حضرت عائشہ (رض) سے منقول ہے کہ انھوں نے عشا کا لفظ نہیں کہا ۔ باقی اسی طرح ہے۔