(٢١٢١) حضرت معاذ بن جبل (رض) سے روایت ہے کہ ہم ایک رات عشا کی نماز کے لیے رسول اللہ (صلی اللہ علیہ وآلہ وسلم) کا انتظار کر رہے تھے۔
آپ (صلی اللہ علیہ وآلہ وسلم) کو تاخیر ہوگئی حتیٰ کہ بعض لوگوں نے یہ سمجھا کہ شاید آپ نے نماز پڑھ لی ہے یا آپ اب تشریف نہیں لائیں گے۔ پھر رسول اللہ (صلی اللہ علیہ وآلہ وسلم) تشریف لائیتو ایک شخص کہنے لگا : اے اللہ کے نبی ! ہم تو یہ سمجھ بیٹھے تھے کہ آپ ضرور نماز ادا کرچکے ہوں گے یا آج آپ (صلی اللہ علیہ وآلہ وسلم) تشریف نہیں لائیں گے تو آپ (صلی اللہ علیہ وآلہ وسلم) نے فرمایا : اس نماز کو تاخیر سے پڑھا کرو، کیونکہ تمہیں اس نماز کی وجہ سے سابقہ امتوں پر فضیلت دی گئی ہے اور تم سے پہلے کسی امت نے یہ نماز ادا نہیں کی۔