(٢١٢٣٨) ابو رافع حضرت ابوہریرہ (رض) سے نقل فرماتے ہیں کہ جب دونوں فریق ایک ایک گواہ پیش کردیں تو میں ان کے درمیان قرعہ اندازی کروں گا، کیونکہ نبی (صلی اللہ علیہ وآلہ وسلم) نے بھی ایسا کیا تھا۔
(ب) ابورافع حضرت ابوہریرہ (رض) سے نقل فرماتے ہیں کہ نبی (صلی اللہ علیہ وآلہ وسلم) کے پاس دو شخص جھگڑا لے کر آئے۔ دونوں میں سے کسی کے پاس گواہ نہ تھے۔ نبی (صلی اللہ علیہ وآلہ وسلم) نے فرمایا : دونوں کے درمیان قسم کے لیے قرعہ ڈال لو۔
امام شافعی (رح) فرماتے ہیں : ان میں برابر تقسیم ہوگا؛ کیونکہ دلائل دونوں کے پاس برابر ہیں۔