(٢١٢٦١) یحییٰ بن عبدالرحمن بن حاطب اپنے والد سے نقل فرماتے ہیں کہ دو شخص حضرت عمر بن خطاب (رض) کے پاس جاہلیت کے بچے کا جھگڑا لے کر آئے۔ ایک کہتا : میرا بیٹا ہے اور دوسرا کہتا : میرا بیٹا ہے تو حضرت عمر (رض) نے بنو مصطلق کا قیافہ شناس بلوایاتو اس نے بچے کو دیکھا اور کہا : اس میں یہ دونوں ہی شریک ہیں۔ حضرت عمر (رض) نے اس کو درہ سے مارا اور بچے سے کہا : جس کے ساتھ جانا چاہو چلے جاؤ تو بچہ ایک کے ساتھ چلا گیا۔ عبدالرحمن کہتے ہیں کہ بچے نے ایک کا ساتھ لیا اور چل دیا اور حضرت عمر (رض) نے فرمایا : مصطلق کو اللہ ہلاک کرے۔