(٢١٤٢) (ا) قتادہ سیدنا انس بن مالک (رض) سے روایت کرتے ہیں کہ زید بن ثابت نے انھیں بتایا کہ میں نے رسول اللہ (صلی اللہ علیہ وآلہ وسلم) کے ساتھ سحری کا کھانا کھایا، پھر میں نماز کے لیے نکل پڑا۔ انس (رض) کہتے ہیں کہ میں نے زید سے پوچھا : سحری اور نماز میں کتنا وقفہ تھا ؟ انھوں نے کہا : جتنی دیر میں آدمی پچاس یا ساٹھ آیات پڑھ لے۔
(ب) امام بخاری ـ (رح) نے یہ روایت ہمام سے عمرو بن عاصم کے واسطے سے روایت کی ہے۔ البتہ اس میں جمع کے الفاظ استعمال کیے۔ یعنی انھوں نے رسول اللہ (صلی اللہ علیہ وآلہ وسلم) کے ساتھ سحری کی، پھر نماز کے لیے کھڑے ہوگئے۔