(٢١٤٤) (ا) مغیث بن سمی سے روایت ہے کہ میں نے عبداللہ بن زبیر کے ساتھ فجر کی نماز پڑھی۔ انھوں نے نماز اندھیرے میں پڑھی تھی اور وہ اس کو روشنی بھی پڑھتے تھے۔ جب انھوں نے سلام پھیرا تو میں نے عبداللہ بن عمر (رض) سے پوچھا کہ یہ کیسی نماز ہے ؟ عبداللہ بن عمر (رض) میرے ساتھ تھے۔ انھوں نے فرمایا : یہ رسول اللہ (صلی اللہ علیہ وآلہ وسلم) ، ابوبکر (رض) اور حضرت عمر (رض) کی نماز تھی۔ پھر جب حضرت عمر (رض) شہید کیے گئے تو حضرت عثمان (رض) اس کو روشن کر کے پڑھنے لگے۔
(ب) ابوعیسیٰ ترمذی کتاب العلل میں فرماتے ہیں کہ محمد بن اسماعیل بخاری (رح) فرماتے ہیں کہ اوزاعی کی حدیث جو نہیک بن یریم سے منقول ہے یعنی فجر کو اندھیرے میں ادا کرنے کے بارے میں، یہ حدیث حسن ہے۔