(٢١٤٨٦) زیاد بن نعیم فرماتے ہیں کہ وہ ابن عمر (رض) کے پاس تشریف فرما تھے، ایک آدمی چاندی کا بیگ لے کر آیا، انھوں نے کہا : آپ کے باپ کا غلام فوت ہوگیا ۔ اس نے مجھے کہا تھا : یہ ان کو واپس کردینا۔ فرمایا : افسوس۔ فرمانے لگے : میں نے ان کو اللہ کے راستہ میں خرچ کیا تھا، اتنی دیر میں عاصم بن عمر (رض) کا قاصد آگیا کہ میرے والد کے غلام کی وراثت مجھے دے دو ۔ ان کو تمام وراثت دے دی، لیکن ابن عمر (رض) بذات خودسائبہ کی وراثت نہ لیتے تھے اور حضرت عمر (رض) نے اس کو سائبہ آزاد کیا تھا۔
شیخ فرماتے ہیں : اگر یہ صحیح ہے تو یہ حرام نہ تھی، اگر اس کو حرام خیال کرتے تو اپنے بھائی عاصم کو ضرور منع کرتے ، جیسے بذات خود رک گئے، لیکن بچنا مستحب ہے۔