(٢١٥٠) (ا) حضرت ثوبان (رض) سے روایت ہے کہ رسول اللہ (صلی اللہ علیہ وآلہ وسلم) نے فرمایا : استقامت اختیار کرو، تم نیکیوں کا شمار نہیں کرسکتے اور جان لو تمہارے اعمال میں سب سے افضل نماز ہے اور مومن ہمیشہ باوضو رہتا ہے۔
(ب) امام شافعی (رح) فرماتے ہیں اول وقت میں ادا کی گئی نماز ابن آدم کا بہترین عمل ہے اور انھوں نے وہ گزشتہ حدیث ذکر کی جس میں نبی (صلی اللہ علیہ وآلہ وسلم) سے افضل عمل کے متعلق پوچھا گیا تو آپ نے فرمایا : نماز کو اس کے اول وقت میں ادا کرنا۔