(٢١٦٢) زر بن حبیش سے روایت ہے کہ ایک آدمی سے کہا گیا کہ حضرت علی (رض) سے درمیانی نماز کے بارے میں پوچھو۔ اس نے آپ (رض) سے اس بارے میں پوچھا تو آپ نے فرمایا : ہم اس کو فجر کی نماز خیال کیا کرتے تھے حتیٰ کہ میں نے غزوہ احزاب کے دن رسول اللہ (صلی اللہ علیہ وآلہ وسلم) کو یہ فرماتے سنا کہ ان مشرکوں نے ہمیں درمیانی نماز یعنی عصر کی نماز سے غافل کردیا حتیٰ کہ سورج بھی غروب ہوگیا، اللہ ان کی قبروں اور پیٹوں کو آگ سے بھر دے۔