(٢١٧٩٥) عبیداللہ بن عمر حضرت نافع سے نقل فرماتے ہیں کہ مدینہ کے راستہ میں دو آدمی ابن عمر (رض) کو ملے۔ انھوں نے کہا : ہم نے ابن زبیر کو چھوڑ دیا ہے۔ وہ امہات الاولاد کو فروخت کرتا ہے۔ وہ ان سے کہنے لگے : کیا تم ابوحفص حضرت عمر (رض) کو جانتے ہو ؟ انھوں نے کہا : ہاں، وہ فیصلہ کرتے ہیں کہ امہات الاولاد کو فروخت کرنا، ہبہ اور وراثت بنانا جائز نہیں ہے، اس کا مالک اپنی زندگی میں فائدہ اٹھائے ، مرنے کے بعد وہ آزاد ہوگی۔