(٢٢٢٤) (ا) عمرو بن عثمان بن یعلی سے روایت ہے کہ نبی (صلی اللہ علیہ وآلہ وسلم) اور آپ کے صحابہ ایک درے سے گزرے، اوپر سے بارش برس رہی تھی اور نیچے نمی تھی۔ (راوی کو شک ہے کہ السماء کا لفظ تھا یا البلۃ کا) ۔ نماز کا وقت ہوگیا ۔ آپ (صلی اللہ علیہ وآلہ وسلم) نے مؤذن کو حکم دیا۔ اس نے اقامت کہی تو رسول اللہ (صلی اللہ علیہ وآلہ وسلم) اپنی سواری پر تشریف لائے اور نماز پڑھائی۔ آپ اشارے سے نماز ادا کر رہے تھے۔ سجدوں کو رکوع سے زیادہ پست کرتے تھے۔ ابو عبداللہ کی روایت میں یحییٰ فرماتے ہیں کہ شاید انھوں نے یہ کہا کہ دشمن ان کے اوپر تھے اور بارش ان کے نیچے۔
(ب) اس کی سند ضعیف ہے ، اس کے بعض راوی بااعتماد نہیں ہیں، جس کی وجہ سے ان کی حدیث صحیح نہیں۔
اور یہ بھی ہوسکتا ہے کہ یہ (طریقہ نماز) خوف کی شدت کی بنا پر ہو۔