(٢٣١٥) (ا) ابو قلابہ سے روایت ہے کہ انھوں نے حضرت مالک بن حویرث (رض) کو نماز پڑھتے دیکھا، پہلے انھوں نے تکبیر کہی پھر رفع یدین کیا اور جب رکوع کرنے لگے تو رفع یدین کیا اور جب رکوع سے سر اٹھایا تو رفع یدین کیا اور انھوں نے فرمایا کہ رسول اللہ (صلی اللہ علیہ وآلہ وسلم) اسی طرح کرتے تھے۔
(ب) ایک دوسری حدیث میں اسحاق بن شاہین واسطی خالد بن عبداللہ سے نقل کرتے ہیں کہ آپ (صلی اللہ علیہ وآلہ وسلم) جب نماز پڑھتے تو تکبیر کہتے اور رفع یدین کرتے۔
(ج) وہ روایات جو اس پر دلالت کرتی ہیں کہ رفع یدین تکبیر کے ساتھ ہے، وہ تعداد میں زیادہ ہیں۔ اسی بنا پر وہ اتباع کے زیادہ لائق ہیں۔ وباللہ التوفیق