(٢٣٦) سیدنا عاصم بن لقیط بن صبرہ (رض) اپنے والد سے نقل فرماتے ہیں کہ وہ اور ان کا ساتھی سیدہ عائشہ (رض) کے پاس آئے، وہ دونوں رسول اللہ (صلی اللہ علیہ وآلہ وسلم) کو تلاش کر رہے تھے لیکن انھوں نے آپ (صلی اللہ علیہ وآلہ وسلم) کو نہ پایا تو سیدہ عائشہ (رض) نے ان کو کھجوریں اور آٹے کا حلوہ کھلایا۔ وہ زیادہ دیر نہیں ٹھہرے تھے کہ رسول اللہ (صلی اللہ علیہ وآلہ وسلم) باوقار انداز میں سے چلتے ہوئے تشریف لائے اور فرمایا : کیا تم دونوں کو کسی نے کوئی چیز کھلائی ہے ؟ میں نے کہا : ہاں اے اللہ کے رسول ! پھر میں نے کہا : اے اللہ کے رسول ! ہمیں نماز کے بارے میں بتائیں۔ آپ (صلی اللہ علیہ وآلہ وسلم) نے فرمایا : ” مکمل وضو کرو اور انگلیوں کا خلال کرو اور جب ناک میں پانی چڑھاؤ تو مبالغہ کرو مگر روزے کی حالت میں نہ کرو۔ “