(٢٣٩٤) (ا) نعیم مجمر سے روایت ہے کہ میں ابوہریرہ (رض) کے پیچھے نماز پڑھ رہا تھا۔ آپ (رض) نے { بِسْمِ اللَّہِ الرَّحْمَنِ الرَّحِیمِ } پڑھی، پھر سورة فاتحہ کی تلاوت کی۔ جب { وَلاَ الضَّالِّینَ } پر پہنچے تو آمین کہی اور دیگر لوگوں نے بھی آمین کہی اور آپ جب بھی سجدہ کرتے تو فرماتے : اللہ اکبر اور جب بیٹھ کر کھڑے ہوتے تب بھی اللہ اکبر کہتے اور جب سلام پھیرا تو فرمانے لگے : اس ذات کی قسم ! جس کے ہاتھ میں میری جان ہے، میں رسول اللہ (صلی اللہ علیہ وآلہ وسلم) کے ساتھ نماز کے اعتبار سے تم سب سے زیادہ مشابہ ہوں۔
(ب) ابن عبدالحکم کی حدیث میں کنت مداء ابی ہریرہ کی جگہ صَلَّیْتُ وَرَائَ أَبِی ہُرَیْرَۃَ کے الفاظ ہیں۔