(٢٤١) (الف) سیدہ عائشہ (رض) بیان کرتی ہیں کہ رسول اللہ (صلی اللہ علیہ وآلہ وسلم) نے فرمایا : ” دس چیزیں فطرت میں سے ہیں : مونچھیں کاٹنا، داڑھی بڑھانا، مسواک کرنا، ناک میں پانی چڑھانا، ناخن کاٹنا، پوروں کو دھونا، بغل کے بال اکھیڑنا، زیر ناف بال مونڈنا اور پانی سے استنجا کرنا۔ زکریا راوی کہتے ہیں کہ مصعب نے کہا : میں دسویں چیزیں بھول گیا ہوں شاید وہ کلی کرنا ہے۔
(ب) صحیح مسلم کی روایت کے الفاظ یہ ہیں : پانی کے ساتھ استنجا کرنا۔