(٢٤١٠) اسماعیل بن عبید بن رفاعہ اپنے والد سے روایت کرتے ہیں کہ سیدنا معاویہ (رض) جب مدینہ تشریف لائے تو انھوں نے ہمیں نماز پڑھائی، لیکن { بِسْمِ اللَّہِ الرَّحْمَنِ الرَّحِیمِ } نہ پڑھی اور نہ ہی جھکتے وقت اور اٹھتے وقت تکبیر کہی۔ جب انھوں نے سلام پھیرا تو مہاجرین و انصار نے انھیں آواز دی : اے معاویہ ! آپ نے نماز میں کمی کی۔ بسم اللہ اور تکبیریں بلند آواز میں نہیں پڑھیں۔
چنانچہ انھوں نے ان کو دوبارہ نماز پڑھائی اور وہ چیزیں بھی ادا کیں جن پر انھوں نے عیب لگایا تھا۔