(٢٤١٥) (ا) قتادہ سے روایت ہے کہ میں نے سیدنا انس بن مالک (رض) کو فرماتے ہوئے سنا کہ میں نے رسول اللہ (صلی اللہ علیہ وآلہ وسلم) ، ابوبکر، عمر اور عثمان ] کے پیچھے نماز پڑھی ہے، لیکن میں نے ان میں سے کسی سے بھی نہیں سنا کہ اس نے اونچی آواز میں { بِسْمِ اللَّہِ الرَّحْمَنِ الرَّحِیمِ } پڑھی ہو۔
(ب) ایک دوسری سند سے شعبہ کی روایت ہے کہ انس بن مالک (رض) نے فرمایا : میں نے ان میں سے کسی کو بھی { بِسْمِ اللَّہِ الرَّحْمَنِ الرَّحِیمِ } پڑھتے نہیں سنا۔
(ج) ایک روایت میں ہے کہ انھوں نے اونچی آواز سے { بِسْمِ اللَّہِ الرَّحْمَنِ الرَّحِیمِ } نہیں پڑھی۔
ایک تیسری روایت میں فَلَمْ یَکُونُوا یَجْہَرُونَ کے الفاظ ہیں، ایک اور روایت میں ہے کہ وہ قراءت { الْحَمْدُ لِلَّہِ رَبِّ الْعَالَمِینَ } سے شروع کرتے تھے۔