(٢٤١٩) (ا) حضرت انس بن مالک (رض) سے روایت ہے کہ میں سیدنا ابوبکر، عمر فاروق اور عثمان غنی (رض) کے پیچھے نماز پڑھا کرتا تھا۔ وہ اپنی قراءت { الْحَمْدُ لِلَّہِ رَبِّ الْعَالَمِینَ } سے شروع فرماتے تھے۔
(ب) اسی طرح ایک جماعت نے حمید سے روایت کیا ہے، البتہ ان میں سے بعض نے رسول اللہ (صلی اللہ علیہ وآلہ وسلم) کا ذکر بھی کیا ہے اور انھوں نے اس کو { الْحَمْدُ لِلَّہِ رَبِّ الْعَالَمِینَ } کے ساتھ افتتاح کے لفظ کے ساتھ ذکر کیا ہے۔