(٢٥٥١) عباس بن سہل حدیث فرماتے ہیں کہ ابو حمید، ابواسید، سہل بن سعد اور محمد بن مسلمہ (رض) (ایک جگہ) جمع تھے۔ انھوں نے نبی (صلی اللہ علیہ وآلہ وسلم) کی نماز کا ذکر کیا۔ ابو حمید (رض) کہنے لگے : میں تم سب میں نبی کریم (صلی اللہ علیہ وآلہ وسلم) کی نماز کو زیادہ جاننے والا ہوں، پھر مکمل حدیث ذکر کی۔ پھر فرمایا کہ آپ (صلی اللہ علیہ وآلہ وسلم) نے رکوع کیا اور اپنے ہاتھوں کو گھٹنوں پر رکھا گویا کہ آپ گھٹنوں کو پکڑے ہوئے تھے۔ اپنی انگلیوں کو کھول لیا اور بازو اپنے پہلو سے دور رکھے۔