(٢٥٥٥) سیدنا عقبہ بن عامر جہنی (رض) سے روایت ہے کہ جب { فَسَبِّحْ بِاسْمِ رَبِّکَ الْعَظِیمِ } [الواقعہ : ٧٤] ” پس اپنے رب کے نام کی تسبیح کریں جو بہت بڑا ہے “ نازل ہوئی تو رسول اللہ (صلی اللہ علیہ وآلہ وسلم) نے فرمایا : اسے اپنے رکوع میں پڑھا کرو۔ پھر جب { سَبِّحِ اسْمَ رَبِّکَ الأَعْلَی } [اعلیٰ : ١] ” اپنے بلند وبالا رب کے نام کی تسبیح کرو “ نازل ہوئی تو رسول اللہ (صلی اللہ علیہ وآلہ وسلم) نے ہمیں فرمایا : اسے اپنے سجدوں میں پڑھا کرو۔