(٢٥٦٧) حضرت ابن عباس (رض) فرماتے ہیں کہ رسول اللہ (صلی اللہ علیہ وآلہ وسلم) نے (مرضِ وفات میں) پردہ اٹھایا اور لوگ ابوبکر (رض) کے پیچھے صفیں بنائے کھڑے تھے۔ آپ (صلی اللہ علیہ وآلہ وسلم) نے فرمایا : نبوت کی بشارتوں میں سے صرف اچھے خواب ہی باقی رہ گئے ہیں، جنھیں کوئی مسلمان دیکھتا ہے یا اسے دکھائے جاتے ہیں۔ خبردار ! مجھے رکوع اور سجدے کی حالت میں قرآن پڑھنے سے منع کیا گیا ہے، لہٰذا رکوع میں اللہ کی عظمت بیان کرو اور سجدے میں زیادہ سے زیادہ دعائیں مانگو؛کیونکہ اس حالت میں دعائیں جلدی قبول ہوتی ہیں۔