(٢٦٤٥) رفاعہ بن رافع (رض) سے روایت ہے کہ وہ رسول اللہ (صلی اللہ علیہ وآلہ وسلم) کی خدمت میں بیٹھے تھے۔ اچانک ایک آدمی مسجد میں داخل ہوا۔ اس نے نماز پڑھی۔ جب اس نے نماز مکمل کی تو رسول اللہ کی خدمت میں حاضر ہوا سلام کہا اور رسول اللہ (صلی اللہ علیہ وآلہ وسلم) نے فرمایا : وعلیک السلام لوٹ جا، نماز پڑھ کیونکہ تو نے نماز نہیں پڑھی ہے۔۔۔ ” پھر نبی (صلی اللہ علیہ وآلہ وسلم) کے اس کو نماز سکھانے کی مکمل حدیث ذکر کی۔ اس میں یہ بھی ہے کہ جب آپ (صلی اللہ علیہ وآلہ وسلم) تکبیر کہہ کر سجدہ کرتے اور آپ کی پیشانی زمین پر لگ جاتی تو اتنی دیر ٹھہرتے کہ آپ کے اعضا میں سکون ہوجاتا۔