(٢٦٤٩) (ا) ابن عباس (رض) نے فرمایا : آپ (صلی اللہ علیہ وآلہ وسلم) کو سات اعضا پر سجدہ کرنے کا حکم دیا گیا ہے اور روکا گیا ہے۔۔۔ ابن طاؤس کی روایت میں ہے کہ اپنے بالوں اور کپڑوں کو سمیٹنے سے منع کیا گیا ہے اور عمرو کی روایت کے الفاظ یہ ہیں : کف شعرہ وثیابہ ” بالوں اور کپڑوں کو نہ سمیٹے۔ “
سفیان کہتے ہیں کہ ابن طاؤس نے بتایا کہ طاؤس اپنے ہاتھ سے پیشانی اور ناک کی طرف اشارہ کرتے تھے اور ابن طاؤس نے ایسا کر کے دکھایا اور فرمایا : میرے والد کہا کرتے تھے کہ ناک اور پیشانی ایک ہی ہیں، باقی چھ دو ہاتھ، دونوں گھٹنے اور دونوں پاؤں ہیں۔
(ب) امام بیہقی فرماتے ہیں کہ سفیان کی روایت میں ناک کا ذکر طاؤس کی تفسیر ہے۔ جب کہ امام مسلم (رح) نے ” صحیح مسلم “ میں ابن طاؤس کی روایت مختصراً ذکر کی ہے، اس میں تفسیر نہیں ہے۔